Saıys jeńimpazdaryn marapattady

Keshe Qazaqstannyń «Gvardeısk» polıgonynda «Artıllerııalyq oq atý sheberleri» men «Mergen shebi» baıqaýlarynyń jeńimpazdaryn saltanatty marapattaý rásimi ótti. Qazaqstan jerinde alǵash ret ótken Armııa halyqaralyq oıyndary halyqaralyq týrnırleriniń jeńimpazdaryn Qazaqstan Respýblıkasynyń Qorǵanys mınıstri Imanǵalı Tasmaǵambetov quttyqtady. Qazaqstannyń áskerı qyzmetshileri eki baıqaýdyń absolıýttik jeńimpazdary atandy. «Artıllerııalyq oq atý sheberleri» baıqaýynda Reseı komandasy ekinshi orynǵa jaıǵasty, Qytaı komandasy úshinshi oryndy, olardyń sońynan ilesken Qyrǵyzstan jáne Venesýela komandalary boldy. Bul rette «Úzdik mına atqysh komandıri» retinde QHR-dyń serjanty Chjaı Chjıtao marapattalsa, Reseıdiń aǵa matrosy Ildar Faızýllın «Úzdik kózdeýshi» bolyp tanyldy, al Qazaqstannyń serjanty Janataev Tólepbek «Úzdik mehanık-júrgizýshi» degen atalymǵa ıe boldy. «Mergen shebi» baıqaýynda sáıkesinshe Reseı jáne Belarýs ekinshi jáne úshinshi oryndardy enshiledi. Jeke esepte Belarýsten kelgen praporshık Vadım Rebkoves úzdik mergen, al úzdik mergen juby Reseıden kelgen aǵa serjant Andreı Mıachın men serjant Pavel Petravıchıýs boldy. «Egemen-aqparat»